මොරටුවේ විදුලි රේසින් කාරයට ජනපතිගෙන් මිලියන 06 ක්.

මොරටුව විශ්ව විද්‍යාලයේ යාන්ත්‍රික ඉංජිනේරු අංශයේ සිසුන් පිරිසක් විසින් ජර්මනියේ පැවැත්වෙන "ෆෝමියුලා ස්ටුඩන්ට් 2019" මෝටර් රථ තරගාවලියට ඉදිරිපත් කිරීම සදහා නිර්මණය කරන විදුලි බලයෙන් ක්‍රියාත්මක රේසින් මෝටර් රථයේ ඉදිරි නිර්මාණ කටයුතු සදහා රුපියල් මිලියන 06 ක මුදල් පරිත්‍යාගයක් සිදු කිරීම ජනාධිපති ගරු මෛත්‍රීපාල සිරිසේන මැතිතුමා අතින් අද (27) පෙරවරුවේ ජනාධිපති කාර්යාලයේ දී සිදු විය.

විශ්වවිද්‍යාල සිසුන් වෙනුවෙන් පැවැත්වෙන මෙම සුවිශේෂ තරගාවලිය 2019 අගෝස්තු මාසයේ දී ජර්මනියේ හොකන්හයින්හිදී පැවැත්වෙන අතර අන්තර්ජාතික මෝටර් රථ ඉංජිනේරුවන්ගේ සංගමය එය සංවිධානය කරයි. 

නව මෝටර් රථයේ නිර්මාණ කටයුතු 2019 අගෝස්තු මාසය වන විට අවසන් කිරීමට අපේක්ෂිත අතර, පැවති මූල්‍ය දුෂ්කරතාවය හේතුවෙන් එම සිසුන් මහත් අසීරුතාවයට පත්ව සිටියහ.

නවෝත්පාදනයෙන් ඉදිරියට යමින් දැයේ දරු පරපුරට හෙට ලොව දිනන්නට නිරන්තරයෙන් අනුග්‍රහය ලබාදීමට කටයුතු කරන ජනාධිපතිතුමා සිසුන්ගේ ඉල්ලීම පරිදි මෙම මුදල් පරිත්‍යාගය සිදු කිරීමට පියවර ගත් අතර, අදාළ චෙක්පත කණ්ඩායම් නායක නිරංග මයුරන් සිසුවා වෙත පිලිගැන්වීය.

අනතුරුව ජනාධිපතිතුමා සිසුන් කණ්ඩායම සමග සමූහ ඡායාරූපයකට ද පෙනී සිටියේය.

ලොවක් කැලඹූ ජමාල් කෂෝජීගේ කුරුරු ඝාතනය. (Part 01)

ඔහුගේ ඝාතනය තවමත් ලොව විරොධතා ඇතිකරනවා

ජමාල් කෂෝජී කියන්නේ සවුදි ජාතික ආන්දෝලනාත්මක නිර්භීත මාධ්‍යවේදියක්. පෑනට එහා ගිහින් ඔහු මාධ්‍ය ප්‍රධානියෙකු ලෙස ඉහල තනතුරු පවා දරලා තියෙනවා. මිය යනවිට ඔහු ලෝක ප්‍රසිද්ධ වොශින්ටන් පොස්ට් පුවත් පතේ මාධ්‍යවේදියෙක් වූ අතර, ඔහු අල් අරබ් යන අරාබි පුවත් නාලිකාවේ හිටපු ප්‍රධානී ලෙස කටයුතු කර තිබුනා. මොහු නිතර ගැටුනේ එසේ මෙසේ අය එක්ක නම් නොවේ. කුරුරු කම්වලට සුප්‍රසිද්ධ සවුදි රජපවුල විශේෂයෙන්ම ඔටුන්න හිමි මොහම්මද් බින් සල්මාන් (MbS) එක්ක ජමාල් නිතර පෑනෙන් සටන් කලා. ඔක්තොබර් 2 ජමාල්ට විශේෂ දවසක් උනා. ඔහුගේ විවාහ ගිවිස ගත් පෙම්වතිය එක්ක නිත්‍යානුකූල විවාහයකට ඇතුල් වෙන්න අවැසි ලිපි ලේඛන ලබාගන්න ඔහු තුර්කියේ ඉස්තාන්බුල් අගනුවර කොන්සල් කාර්යාලයට ගියා. උපන්දිනයට දවස් එකොලහක් තියාගෙන පනස් නව හැවිරිදි ජමාල් කොන්සල් කාර්යාලයට ගියේ යම් චකිතයක් ඇතුව. මොකද ජමාල් නිර්භීත උනත් මෝඩයෙක් නොවේ. ඔහු දැනගෙන හිටියා ඔහු හැප්පෙන්නේ කා එක්කද කියලා. ඒවගේම ජමාල් කියන්නෙත් බලවත් පවුලක කෙනෙක්. ඔහුට සාමාන්‍ය ජන මාධ්‍යවේදියෙකුට වඩා සබදතා හා තොරතුරු ජාලවලට හිමිකම් තිබුනා.

නමුත් අවාසනාවකට ජමාල් බලාපොරොත්තු වුනාට වඩා බරපතල සැලසුමක් කොන්සල් කාර්යාලය ඇතුලේ සිදුවෙමින් පැවතුනා. ලැබෙන තොරතුරු අනුව ජමාල් කොන්සල් කාර්යාලයට ගිහින් තිබුනේ යම් සිදුවීමක් බලාපොරත්තුව. අත් අඩංගුවට පත් වීමක්, පැහැර ගැනීමක් වැනි යමක්. නමුත් මොහොතකටවත් ඔහු නොහිතන්න ඇති ඔහු එන තෙක් තුර්කියට කුමරුගේ පුද්ගලික ජෙට් යානයෙන් පැමිනි මැරයන් 15 ක් කොන්සල් කාර්යාලය තුල සිටින වගත්, අති අමානුශික ලෙස ඔහු මරා දමන්නට ඔවුන් තත්පර ගනිමින් ඒ තුල සිටින වගත්. මුලු දිවිය පුරාවටම අවදානම ගනිමින් වාර්ථාකරනයේ නිරතවුන, බින් ලාඩන් සමග පවා තොරතුරු ගණුදෙනු කර තිබු මේ නිර්භීත මාධ්‍ය කරුවා ඔක්තොබර් දෙක තුර්කි වේලාවෙන් හවස 1 යි 14 ට පමණ ඉස්තාන්බුල් කොන්සල් කාර්යාලයට ඇතුල් වෙනවා. කොන්සල් කාර්යාලයේ දොරටු පාලක හිස නමා ආචාර කොට ඔහුව ඇතුලට ගන්නා අතර, ඇතැම් විට සිදුවන්නට යන දේ ඔහු නම් දැන ඉන්නට නැත.

 ඇට සහිත මස් කපන කියතක් (Bone Saw)

දැනට ඔහුගේ මරණය පිලිබද බොහෝ මත ඇතිමුත් බොහෝ දුරට තහවුරු වී ඇති සිද්ධාන්තය නම්, ඔහු ඉස්තාන්බුල් කොන්සල් වරයා ඉදිරියේදී වද බන්දනවලට ලක්කොට, පණ පිටින් සිටිය දී ඇට සහිත මස් කපන කියතක් මගින් කැබලිවලට කපා ඇසිට් වල දිය කොට ඇති බවයි. එමෙන්ම මේ සියලු ක්‍රියා දාමය වීඩියෝ කර ඇති බවත් , ජමාල් ගේ ඇගිලි ද එම වීඩියෝව සමගින් සවුදියට යවා ඇති බවත් කියැවෙනවා. කුරුරු චිත්‍ර පටයක දර්ශණ සිහි වී මෙය ඇත්තක් දැයි අපට හැගෙන්නට ඉඩ ඇති මුත් සවුදි රජ කුමරුන් හා ඉහල රජ පවුගේ සාමාජිකයන් ගේ කුරුරු කම් වල ඉතිහාසය දන්නා ලොවට මෙය අදහන්නට එතරම් අපහසු නොවිය යුතුය. සවුදි යන ගෘහ සේවිකාවන්ට සිදුවන දේ ගැන සිතන විට මෙවැනි විදෙස් රටකට සිය දඩ බල්ලන් යවා රජ පවුල කල මේ කුරුරු අපරාධය මෙයට වඩා තවත් බිහිසුනු වන්නට මිස මෘදුවන්නට නම් ඉඩක් ඇත්තේම නැත.

Hatice Cengiz  ඔහුගේ විවාහ ගිවිස ගත් පෙම්වතිය

ඩොලර් බිලියන ගණනින් ආදායම් ලබන සවුදි රජ පවුලට, මිනිසුන් වහලුන් සේ දකින මොවුන්ට මේ ඝාතනය ඉතා සුලු දෙයක් වුවත්, මාධ්‍ය නිදහස හා මානව අයිතීන් ඉහලින්ම සැලකෙන ලෝකය මේ සිද්ධිය ඉතා තදින් ග්‍රහණය කර ගත්තා. මෙය ඔක්තෝබර 2 දින පසුවී දින දෙක තුනක් යනවිට ලෝක බලවතුන්ගේ සෘජු අවධානයට වෙසෙසින්ම ඇමරිකානු ජනතාවගේ අවදානයට මෙම සිදු වීම ලක් වුනා. ජමාල් ගේ මරණයෙන් පසු තත්වය අපි ඊලග ලිපියෙන් බලමු.

කරච්චි චීන තානාපති කාර්යාලයට ත්‍රස්ත ප්‍රහාරයක්

ගිනිගත් රථයක නැගෙන ගිනි සිලු  (උපුටා ගැනීම ශින්හුවා පුවත් සේවය)

අද (23) චීන කරච්චි කොන්සල් කාර්යාලයට ඉස්ලාමීය ත්‍රස්ථ ප්‍රහාරයක් එල්ල වී තිබෙනවා. මෙහිදී   5 දෙනෙකු වෙඩි ප්‍රහාර වලින් මිය ගොස් තිබෙනවා. මිය ගොස් ඇත්තේ පකිස්තානු පොලිස් භටයන් දෙදෙනෙකු හා අදුනා නොගත් තවත් තිදෙනෙකු. චීන ජාතිකයන් ඒ අතර ඇතිබවක් වෙසෙසින් දක්වා නැති නිසා ඔවුන්ට කිසිදු හානියක් නැතිබව නිශ්චිත වේ. බිබීසිය වාර්තා කරන අන්දමට චීන පාකිස්තාන සංවර්ධන ව්‍යාපෘතීන්ට විරෝධතා දක්වන ඉස්ලාමීය අන්තවාදී කණ්ඩායමක් (Balochistan Liberation Army) මෙම ප්‍රහාරයේ වගකීම භාරගෙන තිබෙනවා. තුන් හතර දෙනෙකුගෙන් යුත් ත්‍රස්තයින් කණ්ඩායමක් තානපති පෙදෙසේ සිටි පොලිස් නිළධාරීන්ට වෙඩි තබමින් අත් බොම්බ විසිකරමින් වාහනයක පැමිණ තිබෙනවා. ඒ මොහොතේ ක්‍රියාත්මක වූ පොලිස් නිළධාරීන් පසුව පැමිනි හමුදා හා පකිස්තානු කමාන්ඩෝ බලකාය සමග ප්‍රතිපහාර දියත් කොට තිබෙනවා. ඔවුන් නිගමනය කරන අයුරින් පැමිණි ත්‍රස්ථයන්ගෙන් තිදෙනෙකුවත් මිය ගොස් තිබෙනවා. ඒ අනුව ඉහත හදුනා නොගත් මිය ගිය තිදෙනාම ත්‍රස්ථයින් වීමට ඉඩ තිබෙනවා.

චීන කොන්සල් කාර්යාලය දෙසින් නැගෙන දුම් (උපුටා ගැනීම ශින්හුවා පුවත් සේවය) 

මෙම සිදුවීම චීන ජාතික පුවත් සේවය වාර්තා කොට තිබුනේ චීන කරච්චි කොන්සල් කාර්යාලයටලෙසින් නොව කරච්චි තානාපති කලාපයේ සිදුවු ප්‍රහාරයක් ලෙසිනි. ඔවුන් වෙසෙසින්ම සදහන් කොට තිබුනේ මෙම තානාපති කලාපයේ ඔවුන්ට අමතරව වෙනත් තානාපති කාර්යාල ඇති බවයි. ලොව පුරා ඔවුන්ගේ  දැවැන්ත සංවර්ධන වැඩපිලිවෙල (එක මාවතක් එක තීරයක්) අභියෝගවලට ලක්වන අතර, ඔවුන්ගේ මාධ්‍ය එබැවු සැගවීමට ගත් උත්සාහයක් ලෙස මෙය හුවා දැක්විය හැකිය. CNN, BBC, Guardian වැනි ජාත්‍යන්තර මාධ්‍ය මෙය චීන කොන්සල් කාර්යාලයට එරෙහි ප්‍රහාරයක් ලෙස වාර්ථා කර තිබේ. ඉන්දියානු මාධ්‍ය තවත් පියවරක් ඉදිරියට යමින් මෙය චීන - පකිස්තාන සබ්දතා වල දෙදරා යෑමක් දැයි මත පල කරනවා.

උපුටා ගැනීම බිබිසිය

උපුටා ගැනීම බිබිසිය

උපුටා ගැනීම ශින්හුවා පුවත් සේවය

Priyani Jayasinghe killed by stabbing in panadura arukgoda - (Kadula Niwannam song singer)

Priyani Jayasinghe killed by stabbing in panadura arukgoda - She is not a very popular singer, but one of her song was very famous among sri lankans. "Kadula Niwannam"